អតិថិជនដែលមានសិទ្ធទទួលសេវា៖

ម្ចាស់ក្រុមហ៊ុនចែកចាយភាពយន្តដែលមានច្បាប់អនុញ្ញាតពីក្រសួងវប្បធម៌ និងវិចិត្រសិល្បៈ

នីតិវិធីនៃការផ្ដល់សេវា៖

មានចំនួន ៩ដំណាក់កាល៖
១-អ្នកស្នើសុំបំពេញពាក្យសុំរួមនឹងឯកសារតម្រូវផ្សេងៗ ដាក់មកការិយាល័យរដ្ឋបាល (ច្រកចេញ-ចូលតែមួយ) ដើម្បីពិនិត្យ និងផ្ទៀងផ្ទាត់ និងចុះលេខចូល។
បើឯកសារស្នើសុំត្រឹមត្រូវហើយ បញ្ជូនទៅការិយាល័យពិនិត្យខ្លឹមសាររូបភាព។ ករណីឯកសារ មិនត្រឹមត្រូវ តម្រូវឱ្យសាមីជនិងកែតម្រូវ។
២-ការិយាល័យពិនិត្យខ្លឹមសាររូបភាព ពិនិត្យរួច រៀបចំលើកសំណើដោយ ភ្ជាប់នូវកំណត់បង្ហាញ មូលវិចារ ជូនទៅអនុប្រធាននាយកដ្ឋាន ទទួលបន្ទុក
៣-អនុប្រធាននាយកដ្ឋានពិនិត្យ និងមានមតិលើកំណត់បង្ហាញ
៤-ប្រធាននាយកដ្ឋានពិនិត្យចុះហត្ថលេខាលើពាក្យស្នើសុំ ដើម្បីបញ្ជូនឯកសារ ទៅសុំការសម្រេចពីក្រសួងវប្បធម៌ និងវិចិត្រសិល្បៈ
៥-ប្រធាននាយកដ្ឋានរដ្ឋបាលទូទៅ មានមតិលើកំណត់បង្ហាញ
៦-អគ្គនាយករង បច្ចេកទេសវប្បធម៌ មានមតិលើកំណត់បង្ហាញ
៧-អគ្គនាយកបច្ចេកទេសវប្បធម៌ មានមតិលើកំណត់បង្ហាញ
៨-អគ្គនាយករងរដ្ឋបាល និងហិរញ្ញវត្ថុ មានមតិលើកំណត់បង្ហាញ
៩-អនុរដ្ឋលេខាធិការទទួលបន្ទុកភាពយន្ត ពិនិត្យ និងចុះហត្ថលេខាលើ ទិដ្ឋាការបញ្ចាំងភាពយន្ត ការិយាល័យរដ្ឋបាល នៃនាយកដ្ឋានភាពយន្តអញ្ជើញម្ចាស់មកបង់ប្រាក់
និងទទួលទិដ្ឋាការបញ្ចាំងភាពយន្ត

តម្រូវការឯកសារ ដើម្បីទទួលបានសេវា៖

-ពាក្យស្នើសុំទិដ្ឋាការស្នាដៃភាពយន្ត ចំនួន ០១ច្បាប់
-លិខិតបញ្ជាក់សុពលភាពរបស់ក្រុមហ៊ុន/សហគ្រាស/សមាគម/អង្គការ ចំនួន ០១ច្បាប់
-លិខិតទទួលចុះបញ្ជីនាំចូលស្នាដៃភាពយន្ត ចំនួន ០១ច្បាប់
-បង្កាន់ដៃពន្ធនាំចូល “ច្បាប់ដើម” ចំនួន ០១ច្បាប់
-ផលិតផលស្នាដៃភាពយន្តដែលត្រូវស្នើសុំទិដ្ឋាការ ចំនួន ០១ច្បាប់

ចម្រៀងខារ៉ាអូខេគ្រប់ទម្រង់ រយៈពេលផ្តល់សេវា ០៣ថ្ងៃ (ថ្ងៃធ្វើការ)

គេហទំព័រ ៖ www.cambodiafilm.gov.kh